Як я была малалеткай

Сучасная літоўская літаратура, дзёрзкі і інтэлектуальны раман Віргініі Кульвінскайтэ – нарэшце па-беларуску ў перакладзе Сюзанны Паўкштэла “як я была малалеткай” – аўтафікшн, які зрабіўся падзеяй для сучаснай літоўскай літаратуры. Гэта дзёрзкі і непрыхарошаны аповед пра сталенне дзяўчыны, якая шукае сябе ў постсавецкай краіне крывых люстэркаў. Савецкае дзяцінства, юнацтва ў апошняе дзесяцігоддзе XX ст. у Вільні, жыццё за мяжой, дактарантура, каханні, сэкс, вандроўкі, тусоўкі, няўдалыя спробы пісаць. Ці можа быць, што ніводная з існуючых “жаночых” роляў, ніводная ідэнтычнасць не падыходзіць, спаўзае, як кепскія калготкі?